Naxçıvan Muxtar Respublikasının rəqəmsal inkişaf və nəqliyyat nazirinin vəzifələrini müvəqqəti icra edən Azər Məmmədrəhimov Huawei şirkətinin Azərbaycan üzrə baş direktoru cənab Yang Tianxiao ilə görüşüb.

Görüş zamanı Naxçıvan Muxtar Respublikasında telekommunikasiya infrastrukturunun müasirləşdirilməsi, rəqəmsal transformasiya istiqamətində həyata keçirilən layihələr, müasir texnologiyaların tətbiqi və gələcək əməkdaşlıq imkanları ətrafında fikir mübadiləsi aparılıb.

Azər Məmmədrəhimov muxtar respublikada rəqəmsal infrastrukturun inkişafı istiqamətində görülən işlər və qarşıda duran prioritetlər barədə məlumat verib.

Huawei şirkətinin müasir texnoloji həlləri və müxtəlif istiqamətlər üzrə əməkdaşlıq imkanları müzakirə olunub, qarşılıqlı maraq doğuran məsələlərə dair fikir mübadiləsi aparılıb.

Görüşdə gələcək əməkdaşlıq imkanlarının araşdırılmasının və qabaqcıl texnologiyaların tətbiqi sahəsində təcrübə mübadiləsinin əhəmiyyəti qeyd edilib.