Doğum tarixi

1984

Təhsil

2001–2005-ci illərdə Azərbaycan Dövlət İqtisad Universiteti-də Maliyyə-kredit ixtisası üzrə bakalavr təhsili almış və fərqlənmə diplomu ilə bitirmişdir.

2007–2009-cu illərdə Azərbaycan Dövlət İqtisad Universiteti-də Maliyyə-kredit ixtisası üzrə magistr təhsili almış və fərqlənmə diplomu ilə məzun olmuşdur.

2009–2014-cü illərdə Naxçıvan Dövlət Universiteti-ndə Sosial idarəetmə və hüquq ixtisası üzrə təhsil almışdır.

2018–2021-ci illərdə Azərbaycan Respublikası Prezidenti yanında Dövlət İdarəçilik Akademiyası-nda Elektron idarəetmə ixtisası üzrə magistr təhsili almışdır.

Karyera

2005–2010-cu illərdə özəl sektorda fəaliyyət göstərərək maliyyə şöbəsinin müdiri vəzifəsində çalışmış, eyni zamanda bank sektorunda müxtəlif vəzifələrdə iş təcrübəsi qazanmışdır.

2010–2013-cü illərdə Azərpoçt MMC-də maliyyə xidmətləri üzrə məsul vəzifədə işləmişdir.

2013–2024-cü illərdə Azərbaycan Respublikasının Rəqəmsal İnkişaf və Nəqliyyat Nazirliyi-nin Aparatında Dövlət müəssisələrinin fəaliyyətinin əlaqələndirilməsi, İnfrastrukturun inkişafı, Telekommunikasiya və poçt, həmçinin Texnoloji inkişaf şöbələrində müxtəlif vəzifələrdə çalışmışdır.

2019–2024-cü illərdə Azərpoçt MMC-nin Müşahidə Şurasının katibi vəzifəsini icra etmişdir.

2016–2020-ci illərdə Ümumdünya Poçt İttifaqı-nın Poçt Əməliyyatları Şurasının Poçt Maliyyə Xidmətləri Komissiyasının həmsədri olmuş, 2023-cü ildə keçirilmiş ÜPİ-nin Fövqəladə Konqresi çərçivəsində isə Səlahiyyətlər Komissiyasının sədr müavini vəzifəsini icra etmişdir.

2024–2025-ci illərdə “Naxçıvanpoçt” publik hüquqi şəxsin direktoru vəzifəsində çalışmışdır.

2025-ci ildə Naxçıvan Muxtar Respublikası Ali Məclisi Sədrinin müvafiq sərəncamına əsasən Naxçıvan Muxtar Respublikasının rəqəmsal inkişaf və nəqliyyat nazirinin müavini vəzifəsinə təyin edilmiş və eyni zamanda nazir vəzifəsinin icrası ona həvalə olunmuşdur.

Yeni Azərbaycan Partiyasının üzvü və ehtiyatda olan zabitdir.

Həyatı

Ailəlidir, 3 övladı var.