23 iyunda Naxçıvan Muxtar Respublikası Rəqəmsal İnkişaf və Nəqliyyat Nazirliyində  Dövlət Qulluqçularının Peşə Bayramı münasibətilə tədbir keçirilib.
Tədbirdə Nazirliyin Aparat rəhbəri Əziz Hümbətov iştirakçıları salamlayaraq, rəqəmsal inkişaf və nəqliyyat nazirinin müavini, nazir vəzifəsini icra edən Azər Məmmədrəhimovun təbriklərini çatdırıb, dövlət qulluğunun cəmiyyətin inkişafında və dövlət idarəçiliyindəki əhəmiyyətindən bəhs edib. O, dövlət qulluqçularının fəaliyyətinin şəffaflıq, məsuliyyət və peşəkarlıq prinsiplərinə əsaslandığını vurğulayıb. Nazirliyin həyata keçirdiyi rəqəmsal layihələrin və bu sahədəki yeniliklərin əhəmiyyətini qeyd edərək, bu uğurlarda dövlət qulluqçularının əvəzsiz rolunu xüsusi qeyd edib.
Sonra Nazirliyin digər əməkdaşları vətəndaş məmnunluğuna əsaslanan dövlət xidmətlərinin göstərilməsində hər bir əməkdaşın məsuliyyətli və peşəkar olmasının vacibliyi vurğulayaraq, dövlət qulluqçularını bu əlamətdar gün münasibətilə təbrik edib, işlərində böyük uğurlar, çətin və məsuliyyətli fəaliyyətlərində tükənməz enerji və yüksək nailiyyətlər arzulayıblar.